Manifesto do 22 de outubro de 2016

Despois de dous anos de reunións cos distintos gobernos municipais, manifestacións, proporcionando información ao concello sobre a ilegalidade e inxustiza que se está cometendo con este imposto, de reunirnos con distintos partidos políticos, de presentar instancias, unha pregunta no pleno clara e concisa…, SILENCIO, iso é o que obtivemos…, EXCUSAS, as mesmas agora que antes, as mesmas que criticaban, agora dannas eles…

Do Sal a verdade é que non esperábamos moito despois daquel “Démonos por jodidos”, pero do BNG…, teñen dobre pecado: defendían a capa e espada a redacción dunhas ordenanzas que contemplaran as bonificacións, promulgaba aos catro ventos que era inxusto, intolerable!, E agora, que? Escúdase nas mesmas falacias que o anterior goberno…, e ainda teñen a cara de querernos facer crer que a culpa é da herencia recibida, o que? Si xa sabían en que situación se encontraba o concello. 

Se este ano houbo superávit e orzamentos, de que están a falar? Levan un ano dicindo a todos que as bonificacións se están redactando, despois que non, que ainda se están estudando, que…, pero bueno? Que están a facer realmente? Querédelo saber? Estanos enganando…

Pola outra banda temos á oposición… que se nega rotundamente a modificar o PXOM, e iso que estamos a pagar pola súa nefasta xestión urbanística; e  non olvidemos que foron os que nos meteron nesta lea

Nós non nos cansamos, porque a lei e 1565 sinaturas de veciños e veciñas do concello nos respaldan. Os concellos veciños están facendo cambios e aplicando o que nós solicitamos, onde está o cambio? Pedimos cambio e déronnos calderilla!

 Como parece que non se enteraron imos volver a dicirlles aquí e agora as solucións que nós propoñemos:

1. Revisión do PXOM do concello de Sanxenxo para que se adapte á realidade urbanística do concello.

2. A solicitude á Xerencia Territorial de Catastro de Pontevedra, unha aplicación dos criterios de valoración que se axusten á realidade. 

3. Que se faga un estudo socioeconómico en prol de garantir que os principios de capacidade económica e non confiscatoriedade sexan cumpridos, mediante a redacción simultánea das bonificacións previstas por lei:

• Para familias numerosas.
• Para Vivendas de Protección Oficial.
• No caso de ter sistemas de aproveitamento térmico ou eléctrico de enerxías renovables.
• E para niveis de renda baixa e zonas con carencia de servicios e actividade económica diferente á principal do concello.

4. Que se teña en conta non só o planteamento urbanístico senón a factibilidade real, é dicir, que se aplique o tributo só a aqueles casos que cumpran as ordenanzas urbanísticas municipais.

Para a semana esperámovos aquí á mesma hora, porque temos que facernos ver e oir.