Motivos polos que NON nos sentimos REPRESENTADOS pola moción presentada polo PP

1. A cota non, pero sí existen bonificacións que fan posible que non se incumplan os principios de capacidade económica, por iso se debe facer o estudo socioeconómico á par da nova ponencia, para ver o nivel económico das persoas e que porcentaxe de bonificación se debe aplicar. Xa que este é un tributo e así o regula a Lei Tributaria de ámbito estatal, que é unha lei de rango superior á municipal.

2. O PXOM do 2003 non reflexa as necesidades urbanísticas reais do concello de Sanxenxo, xa que hoxe por hoxe hai un exceso de vivendas. E no mesmo, aparecen incluso viales que non serán realizados en décadas dada a situación económica que estamos atravesando. Esto, ademáis, leva a que os veciños e veciñas estén pagando por uns servicios e infraestructuras que non teñen.

3. O 60% viña imposto por lei por non haber feita a ponencia cando debería, é dicir, así como se aprobou o PXOM.

4. Os valores catastrais non se incrementan nun 10%, senon que se incrementa a base impoñible, ao rebaixarse a reducción, e eso sucederá ata o 2023, ano tras ano.

5. Se se fai un estudo de mercado inmobiliario local, tal como dispón a norma 3 do RD 1020/93 e se adapta os valores aos reais, que a día de hoxe son menores que no ano 2008, non sería necesaria esa rebaixa do tipo xa que a cuota sería menor ao reducirse a base impoñible.

6. Podería o Sr. Telmo explicarnos en base a que tipo de bonificacións se pode beneficiar ás emprersas? Ou é que ten pensado pedir a aplicación da "Lei Eurovegas"?

7. Dí que "Esta moción que presentamos hoxe ten como finalidade, tamén, beneficiar a todas aquelas familias do noso concello que teñen dificultades económicas". Din que "tamén", logo, cal é a finalidade real desta moción?

8. Inviable para o concello de Sanxenxo dada o grado de endeudamento que posee, pois reduciríanse os ingresos do concello a menos da metade, e deixaría sen os servizos básicos aos veciños e veciñas do mesmo. 

Está visto que vostedes se reuniron coa APVS pero non escoitaron os problemas e solucións que estes solicitan, que non son máis nin menos que  defender os dereitos dos veciños e veciñas do concello e que se cumpra a lei.