Na Asociación Plataforma Veciñal
Sanxenxo, recollemos as queixas de veciños e veciñas de
Portonovo pola situación de inseguridade vial á que están expostos
e expostas no tramo final da rúa Río, conectando coa estrada de A
Lanzada, e trasladámola ao concello en forma de instancia, na que
solicitamos unha xuntanza coa alcaldía na que tamén estarían
presentes a concelleira de seguridade cidadá e o concelleiro de
urbanismo, membros da asociación e unha repreentación das persoas
afectadas para buscar unha solución viable. Esta rúa é
frecuentadaa diario por rapaces e rapazas,nais , pais e educadores do
Colexio Abrente, e o punto de maior perigo é a partires do cruceiro,
onde se estreita, de forma que a circulación tanto de coches como de
peóns se volve difícil, en gran parte debido tamén a que non
dispón de beirarrúas nen arcén.
En canto ás actuacións a levar a cabo
por esta asociación sobre o tema do “catastrazo”, decidíuse
presentar unha denuncia dado que o concello se mostra reacio a facer
cumprir tanto o artigo 74 da Lei Reguladora de Facendas Locais,
respaldándose no cumprimento da Lei Orgánica 2/2012,de 7 de abril,
de Estabilidade Presupuestaria e Sostenibilidade Financieira.
Recordámoslle que esa mesma lei, no seu art. 12.5, prevé que se
debe destinar íntegramente os ingresos obtidos por encima dos
previstos no presuposto á reducción do nivel de deuda pública, e
no seu art. 32, fala de destinar o superávit, pero nada dí de
acribillar aos veciños e ás veciñas con impostos que incumpren a
legalidade para non ter que reducir os gastos supérfluos e
innecesarios do concello. Dicimos que é ilegal xa que non ten
en conta o art. 31 da Constitución Española, e o art. 3 da Lei
Xeral tributaria, nos que se dí que os tributos teñen que ser
xustos, deben ter en conta a capacidade económica do contribuínte e
a equidade. Ademáis,
a pesar de que o art. 30.1 da Lei 13/2015 de
Reforma da Lei Hipotecaria e da Lei do Catastro Inmobiliario permite
ao Concello promover e iniciar un procedemento simplificado para
adaptar o PXOM á realidade urbanística ante a Delegación Xeral de
Catastro, éste non está disposto a facelo por non menguar os
ingresos das arcas do concello a pesar de estar infrixindo claramente
os dereitos dos contribuíntes; xa que a maioría dos sólos do
concello son de uso agrario ou rural e no PXOM están catalogados
como urbanos ou urbanizables a pesar de que non teñen os servicios
necesarios para ser considerados como tales incumprindo, na maioría
dos casos, as propias ordenanzas urbanísticas municipais polas que
se deben rexir aqueles que queiran construir unha vivenda nos
mesmos.
Consideramos que este goberno
municipal ten moitas explicacións que dar aos veciños e veciñas
deste concello nun pleno aberto, no que todos e todas poidamos
participar; por iso, esta semana volvemos recoller firmas para
presentar como Iniciativa Popular, xa que das anteriores nen sequera
as copias se puideron presentar coa correspondente motivación á
Valedora do Pobo Galego, ao ser “misteriosamente” extraviadas no
concello.
A través da páxina de facebook e o
blog da plataforma, iremos poñendo en coñecemento aos interesados e
ás interesadas, dos lugares onde se pode firmar esta petición.
Comentarios
Publicar un comentario