Concentración 29 de outubro 2016

Onte presenciamos un pleno penoso… Un circo…, só faltaban as palomitas e moito sentido de humor e temple para poder soportar semellante espetáculo.

Vergoña allea é o que sentimos ao ver usar por parte de David Otero as mesmas ameazas e desculpas que o seu antecesor: Marcos Guisasola.

Un plan de axuste consta dunha parte de gastos e outra de ingresos, e no que se basa é en que ten que existir un equilibrio presupuestario para poder cumprir o pago da débeda e posibles sancións. Unha reducción de ingresos vía impostos ao aplicar bonificacións que garantan uns tributos xustos e equitativos, se pode compensar perfectamente coa disminución das partidas de gastos. Pero estos gastos a reducir non teñen por qué ser os destinados a servizos sociais

Noxo, ao ver como o Sr. Guisasola defendía o indefendible: que baixaron o IBI… Sí, baixaron o tipo impositivo e subíronos os recibos!!! E agora van sacar peito dicindo que grazas a eles se volveu baixar, que en realidade, “o comido polo servido”, porque o que nos baixan na porcentaxe sube no valor polo que hai que pagar.

Surrealista, ver aos distintos concellerios pelexando para colgarse unha medalla, e mentras tanto, saltándose as leis e a xustiza social.

Insultante! David Otero. volvendo faltar á súa propia palabra cando prometera un estudo riguroso para tentar aplicar as bonificacións e nos encontramos que non fixeron nada…

Estamos moi cansos de oir sempre as mesmas mentiras e media verdades, de que se enzarcen en pelexas sin sentido nas que se repase o pasado político de cada un dos participantes… O pasado xa o coñecemos, que solucións aportan cara un futuro? Como poden ter a cara de “ameazar” con deixarnos sen servizos sociais?

 Esta asociación mantén, tal como citan sentenzas do propio Tribunal Supremo, que a inexistencia de estudo de mercado é causa máis que suficiente para a anulación do informe de valores.

Sen estudo non hai un control de valores, posto que os valores catastrais que se fixan en ningún caso poden exceder do valor de mercado. E non será por falta de inmobiliarias no concello…

O informe  de valores, sostén a súa nulidade de pleno dereito ao non ser feito de acorde ao procedemento establecido, resultando uns valores carentes de toda motivación válida; e isto de acordo cos seguintes argumentos:

1.    O procedemento de aprobación do informe de valores é plenamente ficticio, pois ó formularse non se teñen en conta os estudos de mercado inmobiliarios e a normativa urbanística do Concello de Sanxenxo, tal como esixen as Normas Técnicas de Valoración e o Cadro Marco de Valores do Solo e das Construcións. Esto fai que exista un desmesurado incremento dos valores catastrais; que se faga unha incorrecta determinación do solo, cualificando de natureza urbana inmobles que son rústicos; así como a inexistencia do previo informe da Xunta Técnica Territorial de Coordinación Inmobiliaria e Urbana

2.    A articulación xurídica do procedemento de realización do informe de valores infrinxe o principio de reserva de Lei.

Por outra banda, coa finalidade de conseguir que as familias con menos recursos económicos poidan facer fronte a esta suba do imposto de bens inmobles, o que significaría levar a cabo un labor de xustiza social para que non se vexan empurradas ó umbral de pobreza, e que se convertan nun colectivo desfavorecido e que poida dar orixe a problemas sociais moito máis graves no noso concello, como asociación de veciños, volvemos facer un chamamento ó Concello de Sanxenxo para que en todo caso efectúe a aplicación das bonificacións ó imposto de bens inmobles, tanto das bonificacións obrigatorias como das potestativas, incluíndoas nas Ordenanzas Municipais para facelo efectivo canto antes e dándolle a debida publicidade, a fin de que as familias que se poidan beneficiar destas bonificacións o realicen sen máis demora.

Defendendo os nosos dereitos e que se cumpra a lei, seguimos solicitando:

1- Que se realice unha revisión de oficio do informe de valores xa que este non recoñece a realidade urbanística, existindo unhas diferenzas sustanciais entre os valores catastrais e os valores de mercado actuais totalmente fóra da realidade.

2- A inclusión nas Ordenanzas Municipais do Concello de Sanxenxo das bonificacións do imposto de bens inmobles contempladas na Lei Reguladora das Facendas Locais, como existen nos demáis concellos, como así o dispón a Lei Reguladora das Facendas Locais no seu artigo 74 para que poidan ser aplicadas ós veciños que cumpran os requisitos esixibles e poidan beneficiarse delas, o que suporía a aplicación do imposto de bens inmobles dunha maneira máis xusta.

O traballo de facer que den as contas non é dos veciños e veciñas do concello senon dos que foron elexidos polos mesmos para que leven a cabo a xestión do concello e non para que nos ameacen, por outra banda, tamén son os reponsables de velar porque se cumpran as leis. Seguiremos solicitando o que nos corresponde: uns impostos xustos e acorde ás leis, pois agora o único que temos é opresión fiscal e inxustiza social.

Sres. e Sras.concelleiras, sexan serios e fagan o seu traballo!

Só nos queda dar as grazas a todos por vir e vémonos o próximo venres, 4 de novembro, á mesma hora para rodear o concello!!!